تعليقات
هو يعني البر عاتق.. لما بَحرِك يِختشي؟
هاني زحلان
الاثنين 26 september 2016 07:02:51 مساءً
عنوان المقال هو جزء من كلمات في ثلاث سطور معدودة كتبها شاب مصري موهوب اسمة عمرو آدم لخص فيها كل اوجاع ومشاكل الهجرة الغير شرعية بمصر.
غرّقيني وانكِريني وإلمَحيني وهمّشي
وانْ لقيتي ليا باقي..لملميني وكلبشي
هو يعني البر عاتق.. لما بَحرِك يِختشي؟
ستجد منشور لحساب مأخوذ منه "اسكرين شوت" لشخص اسمه (محمد فكيه) منتشر على الفيس بوك ووسائل التواصل الاجتماعي عموما.
المفروض انه مقاول تهريب لايطاليا عن طريق البحر كاتب كلام من نوعية (اللي يموت يموت واحنا ما بنضربش حد على ايدة واحنا بنساعد الناس تخرج برة البلد وتاكل عيش).
ناس كتير بتعمل مشاركة للموضوع (خلينا نفترض حسن النية من اغلبهم وانه مش شغل لجان الكترونية لها هدف واضح) النتيجة وبدون شعور هتلاقي ناس كتير بتختصر المسألة في جشع تجار الموت مقاولين التهريب وتدعي عليهم وتحمل الشباب جزء من المسئولية وتقول ده نتاج طمع اللي مسافرين واهاليهم اللي بترميهم.
ورأيي الشخصي ان اللي اسوأ من حادث غرق المركب هو محاولة اختصار الموضوع في السماسرة والحقيقة يا سادة ان ديه ناس يأست تمامًا من حياتها عارف يعني ايه تقامر بحياتك؟؟
الموضوع في حكومات وانظمة متعاقبة اتنازلت عن مسؤوليتها الاجتماعية وشباب فقد الامل لدرجة انه يبقى كل طموحة ان يركب على ضهر مركب بتعدي البحر يا غرق وارتاح من حياتة يا عدا ولعب معاه الزهر زي ما بيقولوا.
منطق مغلوط من الكل الشاب فاكر نفسة لو مات هيبقى شهيد بيسعى على اكل عيشه مش بيرمي بنفسة في التهلكة ومقاول التهريب مريح ضميرة بأنه بيساعد الناس والحكومة فاكرة ان مسؤوليتها تقولهم # ميصحش_كدة !!
#مركب_رشيد
هنفضل في الدايرة المفرغة ديه لحد امتى؟؟ ويا ترى الدور على مين؟؟
دليل خدمات الشيخ زايد
-
اليوم افتتاح بازار "بوليفارد" بمول "بوينت 6" في وصلة دهشور
-
"اندرلخت" تختار الفرق المؤهلة للمسابقات الرسمية بإسم نادي الشيخ زايد
-
بالتعاون مع اليونسيف افتتاح "نادي الاسرة" بالمركز الطبي بالشيخ زايد
-
الإدراة الصحية تكشف عن خدمات برنامج "الرعاية الصحية لغير القادرين"
-
الإدراة الصحية بزايد تعلن عن توفر خدمات مبادرة الاطمئنان على صحة كبار السن
استفتاء زايد اليوم
المقالات
